Пообилни врнежи од дожд утре попладне се очекуваат во северозападните и источните делови. Локално, како што најавуваат од УХМР, се очекуваат да наврнат над 25 литри на метар квадратен. Максималната температура ќе биде во интервал од 14 до 21 степен.
Во сабота ќе преовладува променливо облачно време, со сончеви периоди кои ќе бидат позастапени во источните делови. Ќе дува слаб до умерен северен ветер, а максималната температура ќе биде без промена.
Во недела ќе биде претежно сончево со пониска утринска температура, од еден до осум, а повисока дневна од 16 до 23 степени.
Во првите два дена од наредната недела се очекуваат локални врнежи од дожд, но со послаб интензитет.