Полицијата го уапси лицето кое ги запали возилата на ЕВН во Тетово

Од:

Пожарникарите во Тетово во текот на ноќта интервенирале на две запалени возила, сопственост на компанијата ЕВН Македонија, на две одвоени локации во градот, а сторителот е фатен, потврдуваат од МВР за „А1он“.

“Околу полноќ голем број граѓани се јавија да пријават дека има запалени возила. Интервениравме на запалено возило на улица „Иво Рибар Лола“ и во станбениот комплекс Блок 70. По кратка интервенција, пожарите се локализирани и изгаснати”, изјави Ука Алити, командант на Тетовската територијална противпожарна единица. Увид на местата на опожарените возила изврши тетовската полиција.

„На 14.08.2020 во 01.20 часот на ул.,,Ленин“ во Тетово, полициски службеници од СВР Тетово го лишиле од слобода К.О.(43) од Тетово, поради сомнение дека во периодот од 00.40 до 01.10 часот на ул.„Иво Рибар Лола“ во Тетово со запалива течност предизвикал пожар во патничко возило „дачија дастер“, со скопски регистарски ознаки, и патничко возило „нисан“, со скопски регистарски ознаки, двете сопственост на „ЕВН“, кои целосно изгореле. Исто така, од пожарот било зафатено и патничко возило „голф“, со тетовски регистарски ознаки. Пожарот бил изгаснат од екипа на Територијалната противпожарна единица Тетово. К.О. бил приведен во полициска станица и по целосно документирање на случајот против него ќе биде поднесена соодветна пријава,“ се вели во соопштението од МВР.

Би можело да ве интересира

Тетовската полиција фати диви тркачи на автопат и им заплени 14 коли

Жарко Настоски

Тетовец измамил пензионер од Охрид, по телефон го лажел дека е лекарот што го лечел

Жарко Настоски

Активисти обединети во иницијативата „Подобро за Тетово“ ќе се кандидираат за независни советници

Почна уривање објекти за да се продолжи булеварот „Благоја Тоска“ во Тетово

Ана Ололовска

Невладина организација донира храна, облека и сапун во тетовскиот воспитно-поправен дом

Жарко Настоски

Во Тетово расте бројот на новозаразени – има два кластери од свадба и од семејна прослава

Мери Јордановска