Вчера напладне на Лонг Беј, регионалниот парк во Окленд, Нов Зеланд, се собраа Македонците кои живеат таму да изразат поддршка за Шарената револуција.
-Македонците од Нов Зеланд изразуваат поддршка за Шарената револуција и нивните браќа и сестри кои секојдневно маршираат низ улиците на државата и кои протестираат против криминалната и корумпирана власт, порачаа тие.
Шарени и насмеани, стари и млади во еден глас скандираа “Нема правда, нема мир, Оставка, Оставка“.
За време на собирот во Лонг Беј, присутните Македонци ги информираа и љубопитните посетители во паркот за настаните во Македонија и причината за собирот.