Почнува со имплементација Програмата за прекугранична соработка со Србија

Од:

Министерот за локална самоуправа, Сухејл Фазлиу и амбасадорката на Србија во Република Македонија, Душанка Дивјак Томиќ денеска, на состанок со градоначалникот на Куманово, Максим Димитриевски разговараа за последните подготовки за отворање на канцеларија во Куманово, за имплементација на ИПА Програмта за прекугранична соработка меѓу Република Македонија и Република Србија.

На состанокот на кој присуствуваа оперативните структури од двете земји, министерот за локална самоуправа Фазлиу и амбасадорката Дивјак Томиќ, му се заблагодарија на градоначалникот Димитриевски за поддршката што ја дава општината со отстапување на канцеларија за потребите на Програмата.

Програмата за прекугранична соработка со Србија е нова програма, која ќе биде финансирана со средства од ИПА инструментот на Европската Унија и кофинансирана со средства од буџетот на државата.

Во завршна фаза е процесот на воспоставување на заедничките технички тела, а се подготвува и првиот повик за проекти на кој што ќе можат да аплицираат општини, граѓански организации и други непрофитни субјекти од двете земји.

Заради успешно спроведување на програмата во тек се обуки за подготовка на проектна апликација за потенцијалните апликанти, а исти такви обуки ќе бидат организирани и за заинтересираните субјекти во Србија.

Би можело да ве интересира

Затвореник ја запалил келијата во кумановскиот затвор

А1он

Ден на жалост во Куманово

Ана Ололовска

Утре ден на жалост во Куманово

Ана Ололовска

Невработените кумановци, лани најмногу заинтересирани за практикантство и самовработување

Драган Поповски

Милевски: Со ИПА II градиме добрососедски односи преку меѓуграничната соработка со Албанија

Ана Ололовска

Куманово ќе добие едношалтерски систем за услуги од девет институции

Ана Ололовска