Еврокомесарот Јоханес Хан кој денеска дојде во Скопје ќе има интензивни преговори со четирите партии во резиденцијата на ЕУ во Пржино. Тој во 10:30 ги почна првите преговори со лидерот на СДСМ, Зоран Заев, а потоа во 11:30 со ВМРО-ДПМНЕ, ДУИ и ДПА.
Се очекува подоцна Хан да ги продолжи разговорите со сите четири партии. На средбите во ваков формат што се одржуваа претходно присуствуваа и евроамбасадорот Аиво Орав и амбасадорот на САД Џес Бејли, а овојпат Хан дојде сам.
– 15-ти јануари е клучниот рок на политичкиот договор чија имплементација е важна и за Владата и за граѓаните на земјата. Очекувам дека преостанатите елементи од политичкиот договор ќе бидат решени пред или за време на мојата посета, овозможувајќи им на изборните власти да организираат веродостојни избори во согласност со договорената временска рамка, стои во вчерашната писмена изјава на Хан.
Александар Тодески