Почнаа преговорите за решавање на проблемите на регионалните и локалните радиодифузери

Од:

По речиси домесечниот штрајк, во просториите на МИОА почнаа преговорите за решавање на проблемите на регионалните и локалните радиодифузери.

На средбата на која присуствуваа министерот Адмирим Алити и членови на здружението Медиум Објектив беше заклучено дека постојат сериозни проблеми во оваа сфера и дека е неопходно со идните законски промени истите да се решат.

Министерот Алити потенцираше дека регионалните и локалните радиодифузери се од особена важност за информирањето и демократскиот плурализам во општеството и нивното опстојување не треба да биде доведено во прашање. Тој најави законски измени кои ќе придонесат за подобрување на состојбата во која се наоѓаат изминатите години, како резултат на ковид пандемијата и светската енергетска криза.

Од претставниците на Медиум Објектив беа доставени барања за субвенционирање на 50 отсто од дозволата кон ААВМУ и покривање на трошоците за ДВБ-Т сигналот кон операторот А1 за 2022 година, и кон оние оператори кои наплаќаат за тој надомест од телевизиите кои емитуваат програма преку ЈКМ, како и субвенционирање на овие трошоци на регионалните и локалните радиодифузери во следните 5 години.

Министерот Алити изјави дека засега има одлука на Влада да бидат покриени само трошоците кон А1 за ДВБ-Т сигналот и за тоа во текот на утрешниот ден ќе ги информира во компанијата.

Уште еднаш се потенцираше потребата од промена на членот 102 од Законот за ААВМУ, за кој беше презентиран предлог правилник, како и потребата од формирање на долгонајавуваниот Фонд на медиуми, за кој претставниците на здружението доставија конкретен предлог како истиот да се реализира.

Двете страни се согласија да ја продолжат комуникацијата, да се дебатира сето она што беше предложено во соодветните работни групи во надлежните министерства и на следните средби да се договорат конкретни решенија.

Би можело да ве интересира

Собранието го донесе Законот за медиуми и други закони

Горан Наумовски

Главна цел на измените на Законот за медиуми треба да биде законската регулација на интернет порталите

Ковачевски: Им се извинувам на медиумите, не сакам да се им се случи она што се случуваше до 2016

Орце Костов

ВМРО-ДПМНЕ ќе поднесе 40-тина амандмани за пакетот закони од МИОА, од кои 21 за Законот за административни службеници

Истражување: Над половина медиумски работници имаат потпросечни плати, во онлајн-медиумите секој трет е пријавен со полно работно време

Трајчевски: АВМУ го тужи МИОА затоа што ни исплати 80.000 евра помалку од законски предвидените

Орце Костов