Без договор завршиле денешните преговори меѓу работните групи на партиите за реформи во медиумската сфера. Извори за А1он брифираа дека преговорите ќе продолжат во понеделник.
Ова е втор пат како преговорите за медиуми го пробиваат назначениот краен рок, откако првично беше определено дека ќе се договорат до минатиот петок.
Изворите коментираат дека денеска немало доближување на ставовите, а се разговарало за составот на Агенцијата за медиуми и начинот на нејзино функционирање.
Олеснувачот во преговорите, Питер Ванхауте, пак, денеска и соопшти на јавноста дека има прогрес во усогласување на ставовите меѓу работните групи.