На фудбалски натпревар помеѓу екипите на ФК Сатеска од село Волино и ФК Црно буки од Битола, во Волино-Дебрца, вчера околу 17 часот, дошло до инцидент. Како што велат од МВР, поради незадоволство од одлука на судиите, 47-годишниот З. Т. од село Волино влегол на теренот да ги нападне.
Полициски службеници интервенирале и при неговото приведување З.Т. пружил отпор, а полициските службеници биле попречувани од повеќемина жители на селото Волино, кои подоцна биле приведени во Полициската станица Охрид.
Во попречувањето учествувале уште две лица по кои се трага. Известен е јавен обвинител и против лицата ќе бидат поднесени соодветни поднесоци.