Кумановци по неколку годишниот медиумски мрак, добија неделен весник, „Плоштад“. Сопственикот и уредник на весникот, Марјан Петрушевски истакна дека новинарите ќе вложат свои идеи, напор и енергија за да навреме и непристрасно ги информираат граѓаните, за секојдневните случувања во градот.
-Неделниот весник „Плоштад“ има само една целна група, а тоа се граѓаните. Секој има право да знае што се случува во Куманово, а ние ја презедовме обврската тоа право да биде задоволено-изјави Петрушевски.
Како што е предвидено во „Плоштад“ освен за дневно политичките настани, граѓаните ќе може да се информираат и за спортот, културата и забавата. Неделникот кумановци ќе може да го купат по цена од 20 денари.
Елена Георгиевска