Петрушевски: Случајот со планот за насилно преземање на болницата Жан Митрев е доказ за тоа како Филипче и Заев ги користеле државните институции за лични интереси

Од:

Пратеникот Петрушевски денеска изјави дека случајот со наводниот план за преземање на приватната болница „Жан Митрев“ претставува, како што рече, пример за злоупотреба на државни институции од страна на поранешните функционери Венко Филипче и Зоран Заев.

Според неговите тврдења, во периодот од 2017 до 2020 година, додека Филипче ја извршувал функцијата министер за здравство, а Заев бил премиер, преку Фондот за здравствено осигурување биле зголемени средствата што државата ги исплаќала на болницата „Жан Митрев“.

Петрушевски наведе дека износот на средствата, кои болницата ги добивала од ФЗО, во тој период се зголемил од околу 360 милиони на 682 милиони денари, односно за над 320 милиони денари, што според него изнесува приближно пет милиони евра државни пари.

Тој се повика и на изјави на доктор Жан Митрев, кој, како што рече, сведочел за притисоци и уцени со цел болницата да биде преземена по значително пониска цена од пазарната.

Во своето обраќање, Петрушевски обвини дека биле вршени влијанија врз судството и обвинителството, како и дека биле злоупотребени механизмите на Фондот за здравствено осигурување, при што, според него, биле искористени пари на граѓаните за приватни интереси.

Би можело да ве интересира

Кардиоваскуларни заболувања – кога е доволно следење, а кога е потребен зафат

Филипче на Конференција за проширувањето на ЕУ во Унгарија

ВМРО-ДПМНЕ: Филипче и СДС молчеа во 2023 година за Алта банка, глумеа итност, но по 10 дена ја свикаа првата надзорна седница

Проф. д-р Жан Митрев на МАСИТ: примената на иновациите во здравството не е нов концепт, туку процес што се развива со децении

Филипче: Во Буџетот нема пари за зголемување на платите – нема развој, само долгови и камати

ВМРО-ДПМНЕ бара одговорност од Обвинителството за пуштањето на осомничениот за нападот врз Сара