Пендаровски нема да ги потпише измените на Изборниот законик

Од:

Претседателот Стево Пендаровски нема да потпише указ за прогласување на измените на Изборниот законик, со кои се бараат потписи од два отсто од избирачите во одредена општина, за независни кандидати да можат да бидат учесници на локалните избори.

Пендаровски смета дека не е логично претседател и советници во Град Скопје да се кандидираат со ист број на потписи на избори. Отстапка би направил, само ако за ова прашање има широк консензус, кој засега го нема. Дополнителна причина за непотпишување е тоа што измените се носат непосредно пред распишување на избори, вели претседателот.

„Не може два дена пред распишување на избори да се носат измените. Нема логика, бидејќи за кандидирање на претседател на државата се потребни 10.000 потписи, а толку да треба и за кандидирање советници во Град Скопје“, рече Пендаровски на брифинг со новинарите.

Претседателот потсети и дека препорака на ОБСЕ е да се воведе праг за кандидирање за независни листи, но тој да биде до еден процент. Тој смета дека не би имал аргумент да не го потпише указот, само ако има општа согласност за измените.

Би можело да ве интересира

Пендаровски прв на гласачкото ливче, ДИК ја одреди ждрепката за првиот круг

Орце Костов

Пендаровски го осуди нападот во московската концертна сала Крокус

А1он

Пендаровски со поддршка за младите лекари, секој мора соодветно да биде вреднуван за својот труд

Пендаровски: Дали Николовски како пратеник на ВМРО-ДПМНЕ има донирано барем еден денар?

Во Финска три потписи, во Македонија 2003 за независни листи: Невладините реагираат на измените на Изборниот законик

Орце Костов

Пендаровски: Статусот, положбата и улогата на жените е јасен показател за степенот на демократијата во едно општество

Горан Наумовски