Во финишот за избор на консензуален кандидат подржан од СДСМ, ДУИ, Алтернатива на Африм Гаши, за коалиционите владини партнери фаворит засега е Стево Пендаровски, дознава „А1он“ од партиски извори.
Ова се должи на високиот рејтинг кој го покажал на неколкуте последни испитувања на јавното мислење кај граѓаните, вклучително кај неопределените гласачи, но и огромната поддршка која ја има кај албанските гласачи, како и поддржувачите и гласачи на СДСМ.
Пендаровски воедно е предложен од скоро сите општински организации на СДСМ за претседателски кандидат, заедно со уште неколку имиња.
Во тесниот избор на две имиња кои биле синоќа на маса се очекува утре да биде соопштено името на Стево Пендаровски како заеднички кандидат. Ова е договорено на вчерашната средба меѓу Зоран Заев и Али Ахмети дознаваме од неофицијални блиски избори на владејачките партии.
