Денеска продолжуваат разговорите за новите изборни правила и Избирачкиот список.
Според најавите, странските претставници ќе достават готова верзија на Изборниот законик, за кои претставниците на 4-те партии ќе треба да се изјаснат.
Извори од опозицијата, за А1он велат дека отворени се прашањата за дијаспората и начинот на гласање во ДИК. Договорено е ДИК да има поголеми надлежности, да има јавност во одлучувањето, а жалбените постапки да одат во Управен суд, кој пак ќе биде мониторинг-комисија.
Избирачкиот список најверојатно, како што брифираат извори од опозицијата, ќе биде прочистен целосно теренски дополнето со вкрстување на базите на податоци од МВР, Фондот за здравствено осигурување, УЈП и други институции. Механизмите како ќе се прави тоа дополнително ќе се утврдуваат.
Во однос на прашањето за гласање на дијаспората, според СДСМ, ставот на меѓународната заедница бил или да се договорат прашањата за дијаспората, или да не можат да гласаат на овие избори.
Во ВМРО-ДПМНЕ сметаат дека треба да има тројца пратеници како досега и да им се овозможи полесно остварување на правото на глас
Следни теми што треба да се отворат во работните групи по носењето на изборните измени се медиумите, владата, Законите за забраната на т.н. бомби и за свиркачите.
Т.Ц.