Од 22 часот синоќа, млади активисти од неформалното здружение „Кислород“, кампуваат во паркот карши Бристол.
Паркот, иронично и револтирано поради уништувањето на зеленилото е наречен „ Парк на Груевски“.
Ќе седат тука во смени во одбрана на паркот за кој што велат, власта сака да го уништи и на ова место да никне барокна зграда на Советот за радио дифузија.
Активистите им делат флаери на минувачите и лепат плакати по околните згради.
Имаат список од 200 мобилни телефони од околни жители, кои се подготвени во секој момент да дојдат и да им се придружат доколку почне уништувањето на паркот.
Се нарекуваат себеси „паркобрани“.