„Во текот на вчерашниот ден од страна на градоначалникот на општина Центар, Андреј Жерновски беше соопштено дека поднесува иницијатива за спроведување на референдум за задржување на изгледот на Градски Трговски Центар.
Граѓанската иницијатива „ПАРКОБРАНИ” која во изминатиот период се залагаше за зачувување на зеленилото и отпор кон проектот „Скопје 2014“ и барокизација на градот Скопје и општината Центар во целост ја поддржува оваа иницијатива“, се вели во соопштението на „Паркобрани“.
„Ја поздравуваме иницијaтивата од страна на градоначалникот Андреј Жерновски како процес кој ќе им овозможи на граѓаните на општина Центар директно да одлучуваат за прашања кои нив ги засегаат а во исто време и како момент каде што граѓаните можат да се обединат по едно прашање кое ги надминува партиските, верските или етничките поделби.
На самиот крај би сакале уште еднаш да ја потенцираме нашата поддршка за спроведување на овој референдум и воедно ги повикуваме советниците во советот на општина Центар да дадат поддршка на оваа иницијатива како би дале и поддршка на граѓаните да учествуваат директно во донесувањето на важни политички и општествени промени“, пишува во соопштението на „Паркобрани“.