Отворен конкурсот за наградата од Европската унија за истражувачко новинарство

Од:

Отворен е конкурсот за истражувачки стории од земјите на Западен Балкан и Турција за годишната Награда од Европската унија за истражувачко новинарство.

На конкурсот може да се пријават сите новинари кои објавиле истражувачки стории во периодот од 1 јануари до 31 декември 2020 година поврзани со слободата на изразување, владеењето на правото, транспаретноста, злоупотребата на моќта и основните човекови права и корупцијата и криминалот.

Може да се пријават поединци или групи на новинари од печатените и онлајн медиуми, радијата и телевизиите со свои стории објавени на македонски, албански, на некој од јазиците што ги зборуваат заедниците или на некој од странските јазици.

Рокот за пријавување е до 31 март годинава, а наградниот фонд за Северна Македонија е 10 илјади евра од кои првата награда е 5.000 евра, втората 3.000 и третата 2.000 евра.

Координатор на активностите поврзани со конкурсот во земјава е Самостојниот синдикат на новинари и медиумски работници.

Наградата од Европската Унија за истражувачко новинарство“ на Западен Балкан и Турција има за цел да ги истакне и промовира извонредните постигнувања на истражувачките новинари како и да ја подобри видливоста на квалитетното новинарство во земјите од Западен Балкан и Турција. Наградата е дел од проектот „Зајакнување на квалитетните вести и независното новинарство во земјите од Западен Балкан и во Турција“ администриран од Балканската истражувачка репортетска мрежа во партнерство со седум медиумски организации.

Би можело да ве интересира

Собранието го донесе Законот за медиуми и други закони

Горан Наумовски

Главна цел на измените на Законот за медиуми треба да биде законската регулација на интернет порталите

Ковачевски: Им се извинувам на медиумите, не сакам да се им се случи она што се случуваше до 2016

Орце Костов

Истражување: Над половина медиумски работници имаат потпросечни плати, во онлајн-медиумите секој трет е пријавен со полно работно време

ВМРО ДПМНЕ ќе предложи амандман за ослободување од социјално и здравствено осигурување на медиумските работници

Катерина Ѓуровски

Промовиран Водич за интегритет на медиумите: Испреплетеноста на медиумската сопственост со уредништвото предизвикува сериозна загриженост околу новинарската независност