Откриени 1.204 стебла „канабис сатива“ на три локации кај тетовско Порој

Од:

Службеници од СВР-Тетово вчера открија и со соодветна судска наредба искорнаа вкупно 1.203 стебла од растението „канабис сатива“.

Најголемиот број од стеблата биле пронајдени на три различни локации, односно парцели во атарот на тетовското село Порој, поточно во месностите „Табачница“ и „Големо дрво“, а 40 стебла биле искорнати на друга локација покрај патот што ги поврзува селата Џепчиште и Требош.

Сите стебла, со различна големина од четириесет сантиметри до два и пол метри, во координација со јавен обвинител, подигнати се и донесени во СВР Тетово.

Извесна количина од нив ќе се вештачат и ќе се истражува, кој, кога и како ги засадил на тие површини, соопшти денеска МВР.

Инаку, овие активности се во рамки на континуираната акција која минатиот и овој месец интензивно ја спроведуваат полициските службеници на СВР Тетово, а во која досега вкупно беа откриени и искорнати околу 3.000 стебла „канабис сатива“, од кои близу 2.000 на Тетовското и 1.000 на поширокото гостиварско подрачје.

Би можело да ве интересира

ВМРО-ДПМНЕ: Панче Тошковски го суспендира командирот од Ропотово, Даница Чадиева од СДС преку Второстепена го враќа

Полицајци земале поткуп од странци, па им фингирале документи дека влегле или излегле од Македонија

(ВИДЕО) Кузеска: Скандалот во МВР со испитниот центар смрди на корупција!

Скопјанец со голема количина на кокаин е уапсен кај Лесковац

Горан Наумовски

Левица: Бизнис зделка на Касами го оштети буџетот на тетовчани за околу пет милиони евра

Во два одвоени случаеви претреси кај лица од Кочани е пронајдена дрога

Горан Наумовски