Распарталени страници и импровизирани корици, вакви учебници добија учениците од основното училиште Петар Здравковски-Пенко во Чаир кои од септември ќе тргнат во четврто одделение.
На сликите до кои дојде А1он може да се забележи во каква состојба се предадени книгите на идните четвртооделенци.
Тотално неупотребливи, кориците кои воопшто ги нема, се заменети со картон на кој со пенкало е испишан насловот на книгата.
Голем дел од страниците во книгите недостасуваат, додека пак кај оние кои успеале да останат прилепени недостасуваат цели парчиња поради што е невозможно да се прочита голем дел од напишаното.
Од училиштето се уште нема никакво оправдување за распаднатите книги кои им се делат на учениците.
Виктор Јованов