Имаме теми од суштинско значење за дискусија и убеден сум дека сите сојузници ќе покажат единство бидејќи тоа е од клучно значење со оглед на менливата безбедносна состојба, вели министерот за надворешни работи Бујар Османи, кој присуствува на неформалниот состанок на на земјите членки на НАТО во Берлин.
-Северна Македонија како најнова членка на НАТО силно ја поддржува полтиката на отворени врати, а со тоа и аспирацијата на Шведска и Финска за членство во НАТО, што претставува важен чекор за севкупната евроатлантска безбедност рече Османи.
Според него Западен Балкан ќе биде неизбежен дел од идната европска безбедносна архитектура и на тој начин политиката за отоврени врати на НАТО и проширувањето на ЕУ како „два главни столба на кои се потпира“ ќе бидат дел од новиот Стратешки концепт.