Oсновното јавно обвинителство Скопје донесе наредба за спроведување истражна постапка против едно лице за кое постои основано сомнение дека сторило кривично дело – убиство.
-Осомничениот на 24.02.2019 година со умисла се обидел да лиши од живот едно оштетено лице, така што додека седеле на различни маси во дворот на гостилница, без предупредување му пришол на оштетениот, извадил нож од џебот и замавнал. Притоа на оштетениот му нанел тешка телесна повреда – влезно убодна рана во пределот на абдоменот, оштетувајќи му неколку органи. По ова, реагирале други лица кои седеле на масата со оштетениот и осомничениот се оддалечил од местото, соопшти Јавното обвинителство.
Со оглед на тоа што надлежниот јавен обвинител ценел дека се исполнети сите законски основи, до судијата на претходна постапка при Основниот суд Скопје 1 доставил предлог за определување мерка притвор за осомниченото лице.