За денеска закажаната седница на Советот на јавни обвинители на којашто требаше да се расправа за предметите „Сопот“ и „Пуч“ е одложена за во четврток во 11 часот.
Тоа беа предметите кои претседателот на Советот, Петар Аневски не ги ставаше на дневен ред, но сега се закажа седница по барање на членови на Советот.
За „Сопот” се осудени 11 жители на ова село со вкупно 150 години затвор под обвинение дека поставиле мина од која загинаа двајца полски војници.
На „чекање“, како што објави А1он беше и случајот „Пуч“ над кој СЈО воспостави надлежност, но доказите не се отстапуваа на СЈО.
Специјалното обвинителство во јануари го повлече „Пуч“ објаснувајќи дека во истрагата за „Тврдина“ дошле до докази кои се целосно спротивни на она што е прикажано во „Пуч“.