Обвинителството бара 48 часовен притвор за Александар Ѓорчевски, татко на убиената Вања Ѓорчевска од Скопје.
Полицијата веќе го носи кон судот, каде во секој момент треба да пристигне и обвинителката, за да даде докази зошто тој треба да биде во притвор.
Обвинителството за него има докази дека давал информации на киднаперите, односно дека организирал извршување на киднапирањето со цел да бидат изнудени пари од мајката на Вања.
Во меѓувреме, се чекаат и резултатите од обдукцијата кои ќе дадат појасни информации за тоа како и во кој момент настапила смртта кај 14 годишната Вања и 74 годишниот бербер од Велес, Панче Жежовски.
