Обвинителката Ленче Ристоска, која денеска преку социјалните мрежи информираше дека двете кучиња од расата хаски, кои се слепи и со шеќерна болест, биле украдени од нејзиниот двор во тетовски Лешок, вечерва објави дека кучињата, женките Астра и Зоне, се пронајдени и се заедно со семејството.
„Астра е дома благодарение на Јована! Благодарам на сите за вашата помош и поддршка денес. Помошта која денес ја добивме е одраз дека во нашето општество имаме добри, емпатични и луѓе кои сакаат да помогнат.. Навистина немам зборови да ја опишам радоста на членовите на нашето семејство. Не за џабе се рекло дека заедно сме посилни! Голем поздрав до сите од моите девојки!“, напиша Ристоска на Фејсбук.