Обвинетите поранешни припадници на единицата „Алфи“ сведочеа во предметот „Тортура“

Од:

Со сослушување на обвинетиот Ивица Анчевски, денеска продолжи судењето за случајот „Тортура“. На прашање на судот на кој работна позиција работел во 2011 година, обвинетиот рече дека со решение бил дел од Единицата за брзо распоредување – ЕБР, додека со писмена наредба од тогашниот директор на Бирото за јавна безбедност – БЈБ, Лупчо Тодоровски, бил именуван како командат на единицата „Алфи“.

– Единицата „Алфи“ хиераркиски е поставена во БЈБ, односно СВР Скопје, од кои причини истата не може да биде командувана од друга страна, рече обвинетиот Анчевски.

Тој воедно истакна дека наредби воглавно добива од началникот на СВР Скопје, или од Секторот за организиран криминал, односно овие наредби потоа ги давал на раководителите на смени од единицата „Алфи”.

Прв пат за акцијата за приведување на Лубе Бошковски, тој наведе дека разбрал на 6 јули 2011 година, односно наредбата ја добил од началникот на СВР Скопје.

Обвинетиот Петар Милошевски, посочи дека на 6 јуни 2011 година добил наредба од негов претпоставен да во најбрз можен рок се појави позади Министерството за економија. Во тој период бил на работна задача тим лидер, односно одговорен за 3-4 полициски службеници.

– Раководителот ни објаснуваше дека ќе се одвива акција каде ќе биде уапсено лице кое има обезбедување и дека најверојатно се работи за дилер на дрога, изјави обвинетиот Милошевски.

Судењето „Тортура“, почна во март 2018 година против поранешниот директор на УБК Сашо Мијалков и шестмина припадници на единицата „Алфи“ во МВР, а се однесува на начинот на апсење на Љубе Бошковски.

Би можело да ве интересира

Киднапирање на внукот на Бошкоски: Го грабнале за да плати украден хероин

Катерина Ѓуровски

Љубе за пресудата: Сите видоа како ми ставаат пиштол на образ, а за судот нема тортура

Анита Петровска Рајковиќ

Апелација ја потврди ослободителната пресуда на Мијалков за „Тортура“

Катерина Ѓуровски

Вишо обвинителство бара Мијалков да се ослободи за „Тортура“ – жалбата на колегите од ОЈО да се одбие

ВИДЕО: Со ослободувањето на Мијалков и „алфите“, судијката Александра Ристеска ја демонтира третата „бомба“ на Заев

Маја Илиевска-Пачемска

ВИДЕО: „Алфите“ кои го апсеа Бошкоски со пиштол на образ си честитаа слобода со Мијалков

Кристијан Ландов