Во анализата на ОБСЕ за вториот нацрт закон за медиум остануваат бројни забелешките иако се потенцира дека има одредени подобрувања.
– Иако се направени неколку подобрувања, сѐ уште остануваат многу причини за загриженост. Измените и дополнувањата се направени на начин што претставуваат влегување во детали и често се многу мали промените и дополнувањата, во ситуација во која целосен ремонт на Законот би значело да резултира со нов, многу пократок и различно структуриран Закон – тоа би било многу подобро решение, пишува во втората експертиза на ОБСЕ.
ОБСЕ сугерира она што се нуди како регулација со закон, да се остави на саморегулација на медумите.
– Законот се уште покрива многу различни прашања и дури и со одредените подобрувања, се уште содржи премногу детални уредувања на прашања што би требало да бидат оставени да се уредат внатре од медиумите, според нивно наоѓање.
Според ОБСЕ добро е што е избришан членот 52 за издавачите на печатени медиуми, но но не е добро што се оставени одредбите кои се однесуваат на уредниците на печатени медиуми и нивната регистрација.
Забелешки има и за тоа што останала дефиницијата за новинар во текстот на нацрт законот.
-Дефиницијата за новинар останува во текстот, малку изменета, но и понатаму е прекумерна, но и потенцијално ризична. Дефиницијата за електронски публикации е променета, што е позитивно, но останува дека дури и поограничениот опсег на електронски публикации што сега ги покрива не треба да бидат подложени на регулација, пишува ОБСЕ.
Една од главните забелешки се уште е именувањето и составот на регулаторното тело кои можат да бидат подложни на политички влијанија, а вака како што се дадени се без значајно учество на граѓанскиот сектор. ОБСЕ посочува дека не се направени никакви суштински измени и сугерира уште повеќе скратување на мандатот на членовите.
– Таа загриженост останува затоа што не се направени никакви посуштински промени во соодветните одредби. Должината на мандатот е донекаде ограничена, што е позитивно, но сметаме дека многу подобро би било таа да се одреди на уште пократок период, со можност за еден реизбор, како и воведување на „преклопени“ мандати, со што ќе се обезбеди да не може да се промени целиот состав во ист момент, се вели во анализата на ОБСЕ.