Времето денеска во Македонија ќе биде облачно со врнежи од дожд, кои на места ќе бидат пообилни и над 30 л/м2. Поради спуштање на постуден воздух на планините и на некои повисоки места врнежите ќе бидат од снег, а ќе се формира и снежна покривка, особено во западните делови од земјава.
Ќе дува слаб до умерен ветер од северен правец. Дневната температура ќе се движи од два до 10 степени.
Во Скопје слично време, со температура до пет степени.
Во сабота претпладне ќе има повремени слаби врнежи од дожд, а во недела ќе преовладува променливо облачно време, посвежо со слаб, претежно северен ветер. Во деновите потоа утринските температури некаде ќе бидат и под нулата, а дневните во постепен пораст.