Времето во Македонија денеска ќе биде претежно облачно со слаби врнежи од снег, во западните и крајните источни делови. Температурата ќе се движи од 0 до 6 степени.
Во главниот град ќе има појава на слаб локален дожд. Температурата ќе достигне 4 степени.
Поради спуштање на студен воздух од север, ќе има локални врнежи од дожд кои понекаде ќе преминуваат во снег и на некои од пониските места. На планините особено на запад и на исток врнежите ќе бидат од снег. Најмалку врнежи ќе има во централните делови од земјава.
Појава на врнежи ќе има и во вторник, но само во крајните западните делови. Поинтензивни врнежи претежно од дожд се очекуваат во среда од средината нa денот и особено во западните делови, каде што врнежите во текот на ноќта ќе бидат од снег. Ќе дува засилен југозападен ветер.