Времето денеска ќе биде облачно и постудено, околу пладне и попладне со повремени врнежи од дожд, а на планините со снег, информираат од УХМР.
Повеќе врнежи ќе има во западните делови, а во вечерните часови врнежите ќе се поместат на исток. Поради нагло заладување проследено со засилен северен ветер, кон крајот на денот врнежите ќе поминуваат во снег и на повисоките места, а во текот на ноќта провејување на снег е можно понекаде и во пониските делови на крајниот север и на крајниот исток од земјава.
Утре ќе продолжи провејувањето на снег во северните и источните делови, а преку денот ќе биде суво, студено и ветровито со силен северен ветер.