Обилните дождови ја заматија струшката вода, издадена препорака да не се пие

Од:

Водата од градскиот водовод во Струга е заматена на две мерни места поради врнежите од дожд и не се препорачува за пиење. Центарот за јавно здравје од Охрид извршил контрола на терен, и, како што информира директорот Сашо Точков, констатирано било дека заматеноста на водата е над границите на дозволеното.

– Првично е констатирано дека заматеноста на водата е зголемена над границите на дозволеното на мерните места СОУ „Нико Нестор“ и детска градинка „Сонце“. Известена е инспекцијата и водата не се препорачува за пиење, изјави Точков.

Центарот за јавно здравје работи на анализи за бактериолошката исправност на водата во Струга.

Заматена вода за пиење, според соопштението на јавното претпријатие „Водовод и канализација“ имаат и жителите на селото Мороишта. Оттаму најавуваат дека ќе прават рестрикции од 22 часот до 5 наутро поради немање доволно вода во изворите, до подобрување на состојбата.

Стружани пак, револтирани поради честите рестрикции за вода или слабиот притисок најавуваат протест за в сабота пред просториите на „Проаква“.

Би можело да ве интересира

Нормализиран сообраќајот на патот Струга – Ќафасан

А1он

Приведено лице во струшко за дозидржување на затворска казна

А1он

Роднини или случајност: На листата од Левица во Струга пет презимиња се повторуваат

А1он

Притворена дебарчанка која го тепала своето дете и го терала да питачи во Струга

А1он

Кичеец преместен од отвореното, во полуотвореното одделение на затворот во Струга

А1он

Општина Струга бара пролонгирање на почетокот на учебната година

А1он