(ВИДЕО) НСДП: ВМРО-ДПМНЕ сака да ги зашти своите бизнис интереси, а не црквата

Од:

НСДП реагира на, како што велат, бруталниот напад од страна на ВМРО-ДПМНЕ врз Советот и Градоначалникот на Центар.

dobivaj vesti na viber

Владеачката партија не може да ја прифати реалноста и загубата во Центар на последните локални избори.

Кулминација, посочува НСДП, се достигна во моментот на ставање на дневен ред на седница на Советот на Општина Центар Одлука за поништување на 4-те ДУП- а и враќање во предходната состојба на истите.

„Владеачката партија со цел да ја запре седницата на Советот и да ги заплаши советниците, ги стави во функција своите партиски демонстранти кои веќе неколку дена дивеат и ја демолираат општинската зграда. Завчера советниците буквално беа опседнати од гневната толпа организирана од страна на власта. Се кршеа стакла, се фрлаа јајца и дрва врз општината.

– Во таа пресметка беа повредени советници .Целиот призор немо го посматраше полицијата која глумеше дека воспоставува ред, а всушност го штитеше грбот на демонстрантите на ВМРО ДПМНЕ“, изјави Соња Мираковска.

ВМРО-ДПМНЕ во својата кампања против Градоначалникот и Советот на општина Центар ги вклучи и своите медиумски платеници и мегафони преку кои пласира невистини како што е и заканата дека Советот на Центар ќе донесе Одлука со која ќе се урне започнатата Црква Св. Константин и Елена што представува ноторна лага, затоа што во Одлуката јасно стои дека не се однесува на веќе започнатите објекти, посочи Мираковска.

„Но, Никола Груевски и ВМРО-ДПМНЕ точно знаат што прават и како најлесно може да се запалат страстите играјки си на картата на верските чуства. Вистинската цел на ВМРО-ДПМНЕ е да ги зашти своите бизнис интереси и огромните профити кои треба да следат со изградба на планираните објекти.

– Ќе потсетам деталните урбанистички планови кои овој Совет ги враќа во првобитна положба се донесоа крајно нетрансарентно и без јавна расправа, спротивно на вољата на граѓаните на Центар“, рече Мираковска.

НСДП го повикува Никола Груевски јавно да се огради од нападите на демонстрантите над општинската зграда и Советниците на Општина Центар кои го имаат мнозинството во Советот и јавно да ги повика органите на прогонот да преземат мерки за откривање на идентитет на напагачите.

„Во спротивно остануваме на ставот дека целата организација е под негова диригентска палка и дека тој лично како Премиер ги злоупотребува сите механизми за вршење на притисок врз актуелната власт во Општина Центар“, смета НСДП.

Би можело да ве интересира

ВМРО-ДПМНЕ: Надлежните 4 дена не можат да утврдат дали има мајмунски сипаници кај лице кое им избега од болница

(ВИДЕО) Петрушевски: Новиот документ од Бугарија со понижувања за Македонија

ВМРО-ДПМНЕ: Јавноста очекува оставка на скафандер министерката за култура

Горан Наумовски

ВМРО-ДПМНЕ: Институциите задолжени за борба со криминалот ги кршат законите

ВМРО-ДПМНЕ: Ковачевски го навреди народот, за него да се слушне народот на референдум е одење чекор назад

ВМРО-ДПМНЕ: Ковачевски бегајќи од референдум го игнорира народот