Нова средба на работната група на претставниците на политичките партии потписници на Договорот од Пржино со посредникот Питер Ванхауте треба да се одржи денеска попладне во Клубот на пратениците.
На средбата ќе се разговара за медиумите и за методологиите за прочистување на избирачкиот список.
Посредникот Ванхауте по завршувањето на разговорите вчера изјави дека на маса биле предлози на ВМРО-ДПМНЕ и оти заради партиски консултации за нив, нова средба ќе се одржи денеска во 17:30 часот.
Пред почетокот на средбата вчера белгискиот посредник изјави дека има нови предлози за медиумите и за прочистување на Избирачкиот список од ВМРО-ДПМНЕ како одговор на претходни предлози на СДСМ.
На средбата присуствуваа претставнции на ВМРО-ДПМНЕ, СДСМ, ДУИ и ДПА, како и меѓународни претставници.