Носител на советничка листа на една политичка партија во општина Гази Баба вербално се заканувал на член од спротивната политичка партија за време на гласањето на старите и изнемоштени лица во општината.
– Откако членовите на избирачкиот одбор завршиле со гласањето на стари и изнемоштени лица, ја донеле кутијата со гласачки ливчиња во Основното училиште „Кирил и Методиј“ со цел да се затвори гласањето. Во тој момент започнала вербална расправија со погрдни зборови и пцовки помеѓу лицата, рече портпаролот на МВР Тони Ангеловски.
Лицето кое се заканувало било пријавено во полиција и моментално се наоѓа во полициска станица од каде бил повикан на информативен разговор.