Метју Нимиц, медијаторот на Обединетите Нации во спорот за името денеска ќе пристигне во скопје на дводневни разговори со македонскиот политички врв, откако во изминатите два дена престојуваше во Атина.
Тој по средбата со грчкиот министер за надворешни работи, Никос Коѕијас истакна дека во моментов постои моментум и дека сега е време за решавање на спорот. Нимиц и Коѕијас разговарале за предлозите кои медијаторот ги достави пред две недели, по што ги слушнал и предлозите на грчката влада.
Нимиц истакна дека грчката влада е искрена и активна во решавање на проблемот. Тој сепак не ги откри неговите идеи и предлози.