„Околу случајот за доделувањето финансиски средства од Европската Унија преку Националната агенција за европски образовни програми и мобилност, ја информирам јавноста дека надлежните институции започнаа со проверка, секоја во рамки на својата надлежност,“ напиша попладнево на Фејсбук вицепремиерот за борба против корупција, одржлив развој и човечки ресурси, Љупчо Николовски околу случајот што го отвори „А1он“.
„Како вицепремиер за борба против корупцијата и криминалот, во постојана комуникација сум со институциите, а случајот целосно ќе се истражи и расчисти.
Истрагите не ја исклучуваат и политичката одговорност ако за тоа има основа. Како член на Владата одговорен за спроведување на етичкиот кодекс, активно го следам развојот на настаните и ќе ја известам јавноста за секоја понатамошна релевантна информација,“ напиша вицепремиерот.