Во Воспитно-поправниот дом „Тетово“ денеска пристигна донација од Здружение Институт за развој на заедницата – Тетово. Донирани се: техничка опрема, храна, облека, средства за лична хигиена и образовни материјали.
Како што информираат од невладината организација, целта на донацијата е да се подобрат условите за престој на штитениците во Домот и подготовка за нивна ресоцијализација и реинтеграција во општеството.
– Поддршката беше обезбедена од страна на Здружение ИРЗ Тетово и АСБ Германија. Изминатите години Здружение ИРЗ во континуитет обезбедува поддршка за пенитенцијалните установи како што се Казнено-поправна установи во Штип и Тетово и Воспитно-поправен дом во Тетово, информираат од ИРЗ Тетово.
Од страна на претставниците на Здружение ИРЗ ја потенцираат посветеноста на Управата за издржување на санкции и на ВП Дом Тетово, за подобрување на условите за престој во пенитенцијалните установи за што беа доделени признанија и благодарница за досегашната успешна соработка.