Променливо облачно и нестабилно време со врнежи од дожд кои на места ќе бидат поројни и проследени со грмежи ќе преовладува од утре, соопшти Управата за хидрометеоролошки работи.
Локално се очекува да наврнат над 30 литри на метар квадратен, а температурата ќе биде во опаѓање.
Промената на времето е поради влијанието на влажна и нестабилна маса од Медитеранот, а метеоролозите препорачуваат при појава на електрични празнаења поголема внимателност, да не се престојува на отворен простор и под осамени дрвја.