Во организација на Младинскиот културен центар денеска ќе се одржи првиот натпревар во готвење „Мажи vs. жени“, во кој своите вештини ќе ги докажуваат Мирко Попов (ПМГ Рекордингс), диџеј Гоце (САФ), писателката Румена Бужаровска и уметницата Јана Јакимовска.
Натпреварот ќе се одржи на платото пред МКЦ со почеток во 13 часот. Публиката ќе има можност да дегустира и да гласа за најдобриот.
Како што соопшти МКЦ, натпреварот е најава за претстојното, седмо издание на музичкиот фестивал „Здраво млади“. Посетителите ќе можат да набават билет за овој фестивал по промотивна цена од 500 денари.