Верувале или не, цели осум милиони евра ќе чини опремувањето на Археолошкиот музеј, кој се наоѓа во новиот објект на Уставниот суд, дел од проектот „Скопје 2014“.
„Ангажирана за набавка и монтажа на витрините за музејските експонати, видеонадзорот, комплетната инсталација и друго е „Бетон“ од Штип, која и единствена доставила понуда на тендерот кој го распиша Министерството за култура“, пишува „Утрински весник“.
Ова како што објаснуваат од Министерството за култура за весникот, подразбира опремување на музејската поставка со специјално изработени витрини за чување на археолошките и музејските експонати, опремување на музејскиот простор со аудио и видеосистеми, видеонадзор, поставувања на сите облоги на подовите, плафоните и ѕидовите, целосно поставување на комплетната инсталација и опрема во делот на термотехника, електротехника, хидротехника, ППЗ, како и набавка на мебел и опрема потребни во музејската поставка.
82.000 евра државата ќе ми плати на Градежниот институт „Македонија“ да го врши надзорот при опремувањето.