Народната банка со препораки околу исплатата на априлската пензија

Од:

Народната банка апелира до пензионерите кои имаат дебитни картички и кои веќе од утре ќе може да ја подигнат пензијата, да ја користат картичката за плаќање онаму каде е можно безготовинското плаќање.

Се апелира и до оние пензионери кои немаат дебитни картички да го пополнат барањето кое ќе им биде дадено во филијалите и експозитурите при исплата на пензијата.

– Заради заштита на здравјето, да се избегнува користењето готовина, велат од Народната банка.

Оттаму препорачуваат до останатите клиенти на банките во периодот од 8 до 12 часот да се воздржат од одење во банки со цел да им се даде приоритет на повозрасните граѓани кои имаат потреба од банкарски услуги.

Препорака е и при едно одење во банка да се завршат сите банкарски услуги за кои е потребно физичко присуство во експозитурите и филијалите.

– Како што веќе е соопштено, задолжително е да се носи лична заштитна опрема за носот и устата којашто може да биде: респираторна маска, хируршка маска за еднократна употреба, текстилна маска за повеќекратна употреба, памучна марама или шал, бандана и слично. Да се почитуваат насоките за соодветна раздалеченост од другите лица, пред и во објектите на банките. Апелираме за придржување до распоредот, со што ќе се овозможи бројноста на лица во филијалите и експозитурите на банките значајно да се намали, во корист на здравјето, велат од Народната банка.

Од Централната банка се надеваат дека ваквиот системски пристап кој ќе се примени за исплата на априлските пензии ќе ги даде очекуваните резултати.

Би можело да ве интересира

27 починати и 1.861 новозаразен од Ковид 19

А1он

Синдикатот бара второто полугодие да почне онлајн, со над 2.000 новозарзени дневно школите може бидат опасен кластер

Маја Илиевска-Пачемска

Второто полугодие ќе започне на 1 февруари со физичко присуство

А1он

Се намалува периодот на изолација или карантин на седум дена

А1он

19 починати и 2.019 новозаразени со Ковид-19

А1он

Нов црн рекорд во Македонија: 2.341 новозаразен од Ковид-19 и 26 починати

А1он