Денеска напладне ќе бидат блокирани улиците кај Судска палата, кај Црвен крст и кај Соборниот храм. Поддржувачите на движењата Протестирам и на Шарената револиција велaт дека преку блокирање на улиците ќе покажат како, всушност, изгледа со години нашaта земја.
„Ние живееме во блокирана држава, со блокиран пристап до правда, со блокирани и партизирани институции. Ќе го оневозможиме движењето како што со години оваа власт ја оневозможува еднаквоста пред законот и слободата на граѓаните“, најавија вчера организаторите.
Организаторите на овие протести побараа разбирање и поддршка од граѓаните бидејќи „ова го прават за подобра иднина“.