Во Демир Капија денеска беше најтопло, а северниот дел од скопската котлина и Полог беа зафатени од поголема нестабилна маса проследени со пороен дожд и грмежи. Нестабилно беше и во Мариовско, а во Куманово има пороен дожд грмежи и засилен ветер.
Според мерењата на УХМР во Демир Капија имало 39 степени, 36 Гевгелија, 35 Скопје-Зајчев Рид, Штип, 34 Виница, Струмица, Скопје Петровец, 33 Битола, 32 Тетово, Прилеп, Крива Паланка, 31 Претор, Охрид, 30 Берово, 29 Ѓуриште, 28 Пожаране, 26 Лазарополе и 25 Маврово.
Во вечерните часови на места се уште ќе биде нестабилно со пороен дожд и грмежи, главно во планинските предели во северните и крајните западни делови. Во текот на ноќта ќе преовладува стабилно време со слаб до умерен ветер од променлив правец.
Утре ќе биде сончево и топло, попладне ќе има услови за изолирана нестабилност со краткотраен пороен дожд и грмежи, особено во источните и јужните делови. Ќе дува слаб до умерен ветер од западен и југозападен правец Максимлната температура ќе се движи од 30 до 36 степени.
Во Скопје и околината, сончево и топло, попладне со умерена облачност. Ќе дува слаб до умерен ветер од западен правец. Температурата ќе достигне до 35 степени.