Времето изутринава е сончево со мала до умерена локална облачност и со слаб до умерен северозападен ветер. Најладно било во Маврово – 8 степени, а најтопло во Дојран каде се измерени пет степени.
Во Берово и Лазарополе се измерени и – 6 степени, во Битола и Крушево – 5, во Скопје Петровец, Охрид, Претор, Тетово и Дебар – 4 степени, во Крива Паланка и Прилеп – 3, во Скопје на Зајчев Рид, Куманово, Струмица, Демир Капија и Пожаране -2, во Штип и Кавадарци -1, во Виница 0 и во Гевгелија 4 степени Целзиусови.
Висината на снежната покривка изнесува 49 сантиметри во Маврови Анови, 31 во Лазарополе и 16 во Крушево.
И денес времето ќе биде сончево со мала до умерена локална облачност и со слаб до умерен северозападен ветер. Максималната температура ќе биде од 7 до 14 степени.
Во Скопје времето ќе биде сончево со мала локална облачност и со слаб до умерен северен ветер. Дневната температура ќе достигне до 10 степени.
Времето во наредните денови ќе биде стабилно, претежно сончево и релативно топло време ќе се задржи до сабота, што ќе предизвика топење на снежната покривка на планините.
В недела облачноста ќе се зголеми и ќе има врнежи од дожд, на некои повисоки места во западните делови од дожд и снег, а на планините од снег. Врнежите ќе бидат пообилни во западните и јужните делови.