Во функција на донесување на законот за малцинства во Албанија, неговата драфт верзија е на јавна распарава, а албанското Министерството за надворешни работи преку јавен повик побара од сите заинтересирани страни да ги достават своите забелешки и сугестии до 28-ми овој месец.
Во тие рамки, во Тирана во организација на Народниот правобранител се одржа конференција на која свои излагање околу содржината на проект-законот за заштита на малцинствата имаа Народниот правобранител Игли Тотозани, заменик-амбасадорот на ОБСЕ во Албанија, преставници од албанското МНР, како и преставници на малцинствата во Албанија.
Според Васил Стерјовски, генерален секретар на единствената партија на Македонците, Македонска алијанса за европска интеграција – МАЕИ, Македонците како и сите други малцинства во Албанија активно учествуваат во подготовката на Законот, кој првпат ќе биде донесен во оваа земја.
На Коференцијата, додава тој, од страна на претставниците на малцинставта беа презентирани нивните ставови и очекувања дека конечно ќе ги добијат нивните легитимни права.
Се очекува со неговото усвојување, Македонците ќе добијат можност македонскиот јазик, покрај во селата на општина Пустец, да го изучуваат и во областите Голо Брдо, Гора, каде концентрацијата на Македонците е најголема, но и насекаде каде што има Македонци во поголем број.