Дали на министрите и претставниците на ДУИ, авионот за најновото роуд шоу на Владата им „побегна“, или пак Слупчане и законот за бранителите си го направија своето.
Невообичаено досега, но во владиониот авион имаше место за сите, министри, кабинети, советници, но не и пример за министерот за економија Ваљон Сарачини и директорот на Агенцијата за странски инвестиции Висар Фида. Нив ги нема, а целта е привлекување странски инвеститори.
Официјално, и Сарачини и Фида имале други задачи и обврски дома, но сепак од ДУИ не кријат дека разнишаните односи во владиниот двор се причина за ова.
По настанот во Слупчане, кога министерот за одбрана Фатмир Бесими, со униформирани лица на АРМ , се поклони пред споменикот на ОНА, премерот Груевски изјави дека нема да дозволи да се гази македонското достоинство, потврди дека криза во колаицијата има, и дека е подготвен и на предвремени избори.
Од министерството за одбрана и заменик министерот стигаат дисонантни тонови и спротивни реакции.
Груевски не го ни поздрави Бесими на Денот на АРМ.
Односите дополнително се заладија, откако пратеничката група на ВМРО-ДПМНЕ достави Закон за бранителите. ДУИ се закани дека ќе ја напушти владината коалиција ако привилегиите не важат и за припадниците на ОНА. ВМРО-ДПМНЕ не се откажува, законот е на седница на 10-ти септември, а комисиската расправа е наредната недела. Спикерот Велјаноски известил дека матична е Комисијата за труд и социјална политика.