Професор, публицист, историчар и идеолог на Македонската револуционерна организација – Ѓорѓија Петров Николов или Ѓорче Петров е убиен на денешен ден во Софија, Бугарија, пред точно 91 година.
Бил задграничен претставник на ТМОРО, заедно со Гоце Делчев. Иако не го поддржувал тој сепак учествувал во Илинденското востание и предводел чета во Прилепско и во Мариовско.
По „Илинден“ останал во Македонија и работел на обновувањето на организационата мрежа, учествувал на Прилепскиот, Струмичкиот и Рилскиот општ конгрес. На Рилскиот конгрес бил повторно избран за задграничен претставник на Организацијата во Софија.
Заради своите чисто македонски позиции станал најнапаѓаниот член на ВМРО од страна на врховистите.
Конечно, како една од целите на братоубиствената политика во Бугарија на 28 јуни 1921 година бил убиен од платениците на Тодор Александров среде Софија.