Возач од автомобил пукал кон комбе во кое имало патници на булеварот „Александар Македонски“.
Според информациите на МВР, вчера околу 17 часот во СВР Скопје, 30-годишниот А.Х. пријавил дека додека управувал комбе „фолксваген“ со тетовски регистарски ознаки во кое имало и други лица, на булеварот „Александар Македонски“, едно лице со автомобил „голф“ му се приближило и започнало да му упатува навреди.
Потоа со оружје испукало во правец на комбето. Повредени лица нема.
Од МВР велат дека се работи на расчистување на случајот.