МЗ: Патниците во авионот за Финска транзитирале преку Скопје, само двајца имале македонски пасоши

Од:

Во однос на информациите за летот од Скопје до Турку, Финска, каде што според финските власти од авион со 157 патници, по доброволното тестирање, 24 биле позитивни на коронавирус, Министерството за здравство по проверка на информациите со службите од Скопскиот аеродром и граничната полиција информира дека станува збор за патници, иселеници, коишто доаѓаат во Македонија, или транзитираат преку Македонија од различни причини, а потоа се враќаат на работа во Западна Европа, за коишто со дозвола за престој или државјанство од ЕУ не важат рестрикциите при влез и излез од земјата.

Според добиените податоци во посочениот лет, најголем дел од патниците патувале со косовски пасош (95 лица), фински пасош (60 лица), а останатите се со македонски (2), албански, бугарски, естонски и шведски пасоши.

Министерството за здравство собира информации од финските власти, за тоа кои се 24 патници позитивни на вирусот, дали станува збор за неколку семејства или се поединечни случаи, каков тип на тестови им биле направени, а Институтот за јавно здравје веќе работи на проверка дали на некои од патниците им била издадена мерка самоизолација во нашата земја. По добивање на информациите за позитивните веднаш ќе се пристапи кон утврдување на контактите кои тие лица со позитивни тестови евентуално ги имале во нашата земја.

Министерството за здравство повторно апелира задолжително да се почитуваат сите мерки за лична заштита при секое патување и секаде каде што е пропишано, зголемена дезинфекција на раце и одржување дистанца.

Би можело да ве интересира

Продолжува скринингот за Ковид-19 во средните училишта

Ана Ололовска

Сопствениците на ноќни клубови најавија граѓанска непослушност

А1он

487 нови позитивни случаи, вкупно 20 починати лица

Ана Ололовска

Тестираните 68 ученици од „Зеф Љуш Марку“ се негативни, скрининг се спроведува и во училиштето „Панче Караѓозов“

Ана Ололовска

Почнува скринингот на скопските средношколци

Ана Ололовска

Се запали авион во Тексас, сите патници преживеаја

А1он