Денеска околу 9.30 часот од страна на полициски службеници од Полициската станица за граничен надзор Чашка, постапувајќи по претходно утврден план за сузбивање на прекуграничен криминал, кај место викано Радушка река било сопрено товарно возило „форд транзит“.
„При тоа лишени од слобода се Е.Б.(21) и едно малолетно лице, двајцата од с.Блаце, при што одземено е товарното возило за понатамошна постапка. Лицата се пренесени во Полициска станица Ѓорче Петров и по целосно документирање на случајот ќе биде поднесена соодветна пријава“, извести МВР.