Од Министерството за внатрешни работи излегоа со првични информации околу инцидентот што попладнево се случи на Матка, кога настана тепачка меѓу две групи лица, а се пукаше и со огнено оружје.
„Во 14,54 часот во Скопје -кањон Матка, Мерван Сулејмани со уште неколку лица физички ги нападнале Амет Саит и Амет Садик при што употребиле и огнено оружје. Сите учесници се возачи на чамци за туристи. Расправијата настанала во врска движењето на чамците во правец према Пештерата. Повредени нема“, велат извори од МВР за „А1он“.
Инаку, Мерван Сулејмани е внукот на реисот на ИВЗ, Сулејман Реџепи.
Од МВР се уште не потврдуваат дали се приведени напаѓачите.