Едно лице загина, а неколку се ранети во пукање што се случи утрово во департманот Ивелин, во западниот дел на парискиот регион, откако маж пукаше со автоматска пушка од возило во движење, јавуваат француските медиуми.
🇫🇷 One dead, 4 wounded in shootings near Paris
A gunman opened fire on passersby in Trappes and La Verrière, Yvelines, killing one person and wounding four others. He fired multiple shots at different locations before being arrested by police. https://t.co/qzjGacNsZB
— Political Pen (@politicalpen_) October 23, 2026
Според извори запознаени со случајот, осомничениот пукал од возило на улиците во градовите Трап и Ла Вериер, пренесува БФМ (BFM).
Мажот отвори оган на улица во Трап, во департманот Ивелин, користејќи автоматска пушка, при што усмрти едно лице, а рани неколку други, објавува весникот „Ле Паризиен“ (Le Parisien), потврдувајќи ги информациите на порталот „Акту17“ (Actu17).
Осомничениот е уапсен од страна на Бригадата за борба против криминалот (BAC), наведува весникот, додека телевизијата БФМ јавува дека тој бил фатен во градот Кониер.
Од префектурата во Ивелин соопштуваат дека службите за итни интервенции се на терен.
„Едно лице отвори оган од своето возило врз неколку луѓе на кои наиде во Трап и Ла Вериер. Со жалење информираме дека, во овој момент, едно лице е загинато“, напиша градоначалникот на градот, Али Рабе, на Фејсбук.
Според претходните извештаи, најмалку две лица се сериозно повредени, а вкупниот број на ранети би можел да биде и поголем.